Ван Бомел брза да научи италијански

Фудбалерот на Милан, Марк ван Бомел вели дека ја научил лекцијата по суспензијата од два натпревари при дебито во Италија во натпреварот со Катанија.

„Морам да признаам дека не е лесно да се прилагодам веднаш на италијанскиот фудбал.“ - рече Холанѓанецот за клупскиот канал.
„Има голема разлика меѓу германскиот фудбал, начинот на игра и судиските одлуки во Серија А.“ - продолжи поранешниот капитен на Баерн Минхен.
„Првиот фаул на натпреварот со Катанија може и да беше за жолт картон, но вториот - воопшто не мислам така. Како и да е, научив како да се игра и повеќе нема да дозволам таква грешка. Во Герамнија не би ме санкционирале за таков фаул.“
„Во моментов најсилно ме возбудува желбата да научам италијански брзо, за да можам спокојно да се разбирам со своите соиграчи.“ - додаде холандскиот репрезентативец.