Тотенхем го шокира Милан: „Спарсите“ со предност од 1:0 ќе ги пречекаат „росонерите“ на „Вајт Харт Лејн“

Со гол на Питер Крауч десет минути пред крајот, Тотенхем освои изненадувачка победа со 1:0 против Милан во првиот осминафинален натпревар од Лигата на Шампионите, кој се одигра на стадионот на Италијанците „Сан Сиро“.Постигнатиот погодок падна по совршен контранапад и асистенција на Арон Ленон. Непосредно пред тоа Милан

беше активен тим, но Еурелио Гомеш направи едно одлично спасување.„Росонерите“ сепак покажаа сносен фудбал само по паузата, а во целото прво полувреме не знаеја што да прават на теренот.Натпреварот беше дополнително изнервен од бруталниот влез на Метју Фламини над Ведран Чорлука, што го повреди дефанзивецот на Тотенхем и го извади од игра, но Французинот се извлечеш само со жолт картон.Победата дава одлична предност на Англичаните пред реваншот на „Вајт Харт Лејн“, кој е по 3 недели.Големиот отсуство во составот на Тотенхем беше Герет Бејл, кој не се опорави од повредата и остана надвор од групата. Лука Модриќ пак беше на клупата, исто така, поради проблеми во тренингот. За Милан пак Андреа Пирло отсутствувапе поради повреда, а изненадувачки меѓу стартерите не се најде Александре Пато, а наместо него беше префериран Робињо. Новите засилувања Касано, Ван Бомел и Емануелсон пак немаа дозвола за настап во Лигата на Шампионите.Тотенхем почна поактивно во натпреварот и уште во 40-та секунда имаше сериозни претензии за пенал заради игра со рака на Алесандро Неста во казнетиот простор. Дури и на повторувањето беше тешко да се каже дали дефанзивецот на Милан играл со рака или со рамо.Во 5-та минута, пак, Питер Крауч го смири на гради долгиот центршут во казнетиот простор и успеа да упати удар, но Абиати добро интервенира.Активната игра на Тотенхем, продолжи и следуваше многу опасно техничко центрирање на Чорлука што беше насочено кон непокриениот Крауч, но Абиати се фрли и боксира со една рака.Голманот на Милан без проблеми одбрани и удар од 15 метри на Ван дер Варт, За жал на „росонерите“ Сепак, Абиати доби непријатна повреда по удар при воздушен дуел и мораше да биде заменет од резервниот голман Амелија.Првата опасност во полето на Тотенхем дојде дури во 21-та минута, кога Ибрахимовиќ асистираше во казнениот простор, но немаше кој да детектира. Две минути подоцна Швеѓанецот имаше оправдани претензии да побара директен слободен удар за фаул за него точно на границата на казнетиот простор, но судијата даде знак играта да продолжи.Постепено Милан ја израмни играта, но никогаш не успеа да создаде ниту една шанса за гол. Единствениот удар во правец на голот беше дело на Златан Ибрахимовиќ од фаул, но Швеѓанецот ја испрати топката на најмалку 5 метри крај голот.Во 41-та минута Рафаел ван дер Варт упати опасен удар од далечина, кој Амелија требаше да го одбрани со врвот на прстите под гредата.На полувремето Масимо Алегри побара освежување на играта на тимот, откако го пушти во игра Александре Пато на местото на Сидорф. Сепак како и во првото полувреме, Тотенхем започна подобро и во второто полувреме. Во 48-та минута гостите беа на влакно од гол по исклучително елегантниот потег на Рафаел ван дер Варт. Холанѓанецот ја презеде топката со грб на границата на казнетиот простор и со вртење упати многу технички удар, кој го остави Амелија на своето место, но топката мина на неколку сантиметри до голот.Само две минути подоцна и Милан стигна до златна позиција за гол. По центриршутот на Гатузо, Марио Јепес шутираше остро со глава и требаше Еурелио Гомеш да интервенира.Се чинеше дека конечно натпреварот ќе стане динамичен и интересен, но наместо тоа нервите го покажаа своето ниво.Во 55-та минута Милан требаше да остане со човек помалку поради неразумен старт на Метју Фламини над Ведран Чорлука. Судијата покажа само жолт картон, а интересно е дека пред одморот Французинот исто така, направи брутален влез над Ван дер Варт, но тоа воопшто не беше санкционирано. Поради бруталниот фаул, Чорлука требаше да биде заменет, а беше извезен од стадионот на носилки.Неспортските стартови на домаќините не завршија со тоа и три минути подоцна Гатузо исто така требаше да биде исклучен, бидејќи го удари во лицето човекот од штабот на гостите крај аут линијата. Судиите, сепак подмигнаа и на овој настан.Агресивното однесување на Милан доведоа до поактивна игра. Малку изненадувачки „росонерите“ креираа акции само преку средишниот дел во полето на Англичаните.Во 60-та минута по центрирање од корнер Јепес го надскока високиот Питер Крауч и на 5 метри од голот штираше со глава, но Гомеш покажа уникатен рефлекс и одбрани од гол-линијата. Во овие минути Тотенхем се бранеше, но тоа отвораше простори во полето на Милан. И уште при првиот контранапад Тотенхем го откри резултатот. Арон Ленон потсети на најдобрите години, претрка двајца противници и конечно асистира на апсолутно непокриениот Крауч, кој од десетина метри требаше само да ја смести топката во празна мрежа.Реакцијата на Милан беше со далечен удар на очајниот Ибрахимовиќ, кој сепак мина над пречката. Тотенхем пак имаше уште една опасен контранапад, но не успеа да се искористи од неа.Во последните секунди притисокот се зголеми до крајните граници. Прво колебливата игра на одбраната на Тотенхем пред голот му дозволи на Робињо да нанесе удар одблиску, но одбраната на Тотенхем расчисти. Во самиот финиш Златан Ибрахимовиќ со фаул постигна прекрасен гол со ножички. Постигнатиот погодок беше поништен поради фаул на Швеѓанецот, кој го турна со рацете Мајкл Досон во борбата за топката.