Ван Бомел: Дербито против Интер нема да биде одлучувачко

Фудбалерот од средниот ред на Милан, Марк ван Бомел не смета дека градското дерби против Интер кое се игра во април, ќе биде одлучувачко за титулата.

Милан има пет бода предност пред актуелниот италијански шампион, Интер, но Нероазурите значително ја подобрија формата по доаѓањето на Леонардо.Во април се игра големото градско дерби, но Ван Бомел не мисли дека тоа ќе биде натпреварот кој ќе биде одлучувачки за титулата. "Дербито е важен натпревар, но не верувам дека тоа ќе ја одлучи сезоната" - вели Ван Бомел. "Сеуште имаме многу натпревари за игра. Пред тој дуел мораме да се сконцентрираме на Јувентус, па на Тотенхем, па Бари, Палермо". "Масимилиано Алегри е добар тренер. Многу е смирен". "Секогаш мотивацијата е голема кога играте против Јувентус. Фантастично е кога играте вакви натпревари, за мене овој дуел ќе биде поемоционален бидејќи од спротивната страна ќе игра мојот пријател Хасан Салихамиџиќ". "Тие загубија многу натпревари, но овие дуели се покомплицирани бидејќи сите веруваат дека ние ќе ги победиме". "Сметам дека нема да биде лесно бидејќи играме на нивен терен".

Превземено од: www.24fudbal.com.mk